Əzələlərin müəyyən ahəng içində
fəaliyyət göstərməsi
Ən sadə bir təbəssüm və ya adi bir gülüş üçün 17
əzələ eyni anda doğru funksiya yerinə yetirərək
fəaliyyətdə olmaq məcburiyyətindədir. Əgər 17
əzələdən biri fəaliyyət göstərməsə və ya
funksiyasını yanlış yerinə yetirsə, gülüş baş
verməz, üstəlik üzdə olan ifadə mənasız olar.
Insanın üzündə vəzifəsi yalnız mimika yaratmaq
olan 28 ayrı əzələ var. Həmin əzələlərin
müxtəlif hərəkətlərlə bükülməsi ilə yüzlərlə üz
ifadəsi yaranır. Əsəbilik, heyrət, rahatlıq,
zövq alma kimi ruhi vəziyyətlərin hər birinin
insan üzündə əks olunan və əzələlər tərəfindən
forma verilən bir ifadəsi var.
Sadə bir addım üçün ayaqlarda və arxada olan 54
ayrı əzələ müəyyən bir harmoniya içində
fəaliyyət göstərməlidir. Bir gülü tutmaq və ya
bir stəkan su içə bilmək 27 sümüyün və bunlara
istiqamət verən ideal əzələ və sinir sisteminin
köməyi ilə mümkün olur.
Ola bilsin ki, hər bir insan orqanizmin gülmək,
danışmaq, gözünü açıb-bağlamaq, yerimək, qaçmaq
kimi funksiyalarına vərdiş etsin, lakin bu
məlumatları oxuyan insan bir daha düşünməlidir.
Bütün əzələləri, sümükləri, hüceyrələri, qısası,
orqanizmindəki hər bir detal ondan xəbərsiz
şəkildə fəaliyyət göstərir. İnsanın öz
orqanizminə yeni bir orqan əlavə etməyə gücü
çatmaz. Hətta bu gün müasir texnologiyanın
inkişaf etməsinə baxmayaraq insan orqanizmindəki
əksər sistemlərin analoqunu yaratmaq da mümkün
olmayıb. Buna görə də insan gülümsəyə bildiyi
hər bir an üçün orqanizmindəki qüsursuz sistemə,
yəni bu sistemi onun üçün yaratmış Uca Allaha
borclu olduğunu yaddan çıxarmamalı və bunun üçün
şükr etməlidir.
Allah insanı qüsursuz şəkildə yaradıb. Ayələrdə
də bildirildiyi kimi, "düzəldib qaydaya (insan
şəklinə) saldı". İnsan orqanizmi Allahın
intəhasız və böyük gücünü və sonsuz elmini sübut
edən dəlillərdən yalnız biridir. Ağlı və vicdanı
olan hər bir insan bu açıq həqiqəti görür:
"Ey insan! Səni kərim olan Rəbbinə qarşı aldadan
nədir? O Rəbbin ki, səni yaratdı, düzəldib
qaydaya saldı. Sənə Özü istədiyi surətdə biçim
verdi" ("İnfitar" surəsi, 6-8).
Əzələlərin bükülməsi necə baş verir?
Əzələləri kimyəvi enerjini qüvvəyə və mexaniki
fəaliyyətə çevirən bir bioloji mexanizmlər kimi
xarakterizə etmək olar.
Hər bir hərəkətimiz üçün enerji lazımdır. Qanın
tərkibində olan qlükoza bir mexanizmi hərəkətə
gətirən yanacaq kimi həmin enerjini təmin edir.
Əsl kimyəvi proses isə qlükozanın karbondioksidə
və suya ayrılmasıdır. Bu proses zamanı ortaya
çıxan enerji əzələ proteinləri tərəfindən
büzülmək məqsədilə istifadə edilir. Bu kimyəvi
reaksiya xeyli miqdarda oksigen tələb edir.
Halbuki bu oksigen miqdarı elə də asanlıqla əldə
edilmir. Əzələlər bu problemi həll etmək üçün
qlükozanı oksigenin köməyi olmadan süd turşusuna
çevirmək qabiliyyətindən istifadə edirlər. Lazım
olan enerji də məhz bu proses zamanı ortaya
çıxır.
Əlbəttə ki, əzələlərimizi hərəkətə
gətirməyimizin və onları işlətməyimizin bir
həddi var. Həmin hədd pozulanda hərəkət əvvəlcə
çətinləşir, sonra isə qeyri-mümkün olur. Bunun
səbəbi əzələlərin bükülməsindən bir müddət sonra
əzələ toxumasında süd turşusunun toplanması,
artıq süd turşusunun əzələləri yorması və
qıcolmalara gətirib çıxarmasıdır.
Əzələlərdəki süd turşusundan xilas olmaq üçün
oksigen lazımdır. Buna görə də hədsiz
yorğunluqdan sonra sürətlə nəfəs almağa
başlayırıq. Əzələdə yorğunluğa səbəb olan bu
maddə qanın daşıdığı oksigenlə təmizlənənə qədər
əzələ fəaliyyət göstərə bilməz.
Qolumuzu qaldırmaq istədiyimiz zaman dirsəyimiz
bükülür, yediyimiz zaman çənə əzələlərimiz
işləyir, sürətlə bir yerə qaçdığımız zaman ayaq
əzələlərimiz hərəkətə gəlir, üstəlik yorulanda
əzələlərimiz özləri dərhal lazım olan tədbirləri
görür.
Bütün bu qeyd olunanlar orqanizmimizdə hər
saniyə bizim xəbərimiz olmadan bir çox
proseslərin baş verdiyini, üstəlik bunları
həyata keçirənlərin də əzələlərimizdəki
mikroskopik hüceyrələr olduğunu göstərir.