Böyrəküstü vəzilərin əhəmiyyəti
Hormonal sistemin ifraz etdiyi ünsürlərdən biri
də böyrəküstü vəzilərdir. Böyrəküstü vəzilərdən
ifraz olunan ən mühüm hormonlardan biri
adrenalindir. Adrenalin hormonunun maraqlı bir
funksiyası var. Həmin hormon təcili və təhlükəli
hallarla qarşılaşan insan orqanizmində müxtəlif
dəyişikliklərin yaranmasına səbəb olur. Bununla
bağlı belə bir misal verə bilərik.
Bir təhlükə ilə üzləşən (məsələn, bir vəhşi
heyvanın hücumuna məruz qalan) bir insanı
təsəvvür edək. Bir qədər sonrakı saniyələrdə
həmin insanın orqanizminin normal şəraitə görə
müxtəlif ehtiyacları yaranacaq. Sürətlə qaçmalı,
əzələlərinin daha sürətlə fəaliyyət göstərməsini
təmin etməli, qan təzyiqi artmalı, ürəyi daha
sürətlə döyünməlidir. Bunun nəticəsində daha
sürətlə qaça biləcək, daha sürətlə hərəkət edə
biləcək və ya təhlükə ilə daha qüvvətli bir
şəkildə mübarizə aparacaq. Bəs bütün bunlar necə
baş verəcək?
Təhlükənin ortaya çıxması ilə birlikdə
orqanizmdə olan həyəcan siqnalı düyməsindən
istifadə edilir. Beyin böyrəküstü vəzilərə çox
sürətli bir əmr göndərir. Böyrəküstü vəzidə olan
hüceyrələr hazır vəziyyətə gətirilir və təcili
olaraq adrenalin adlı bir hormon ifraz edirlər.
Adrenalin molekulları qanın tərkibinə keçir və
orqanizmin müxtəlif yerlərinə paylanılır.
Adrenalin hormonunun bir məqsədi var. Bu məqsəd
də bütün orqanizmi vahid şəkildə təhlükədən
qorunmaq üçün hazır vəziyyətə gətirmək və
insanın daha qüvvətli, daha möhkəm və daha
sürətli olmasını təmin etməkdir.
İfraz olunan adrenalin mollekulları damarlarda
xüsusi bir tənzimləmə aparırlar. Adrenalin
molekulları təxirəsalınmaz hallarda mühüm
orqanlara daha çox qanın getməsinə kömək edir.
Buna görə də ürəyə, beyinə və əzələlərə gedən
qan damarlarının ətrafında olan hüceyrələr
adrenalinə tabe olur və damarları genişləndirir.
Beləliklə, həyati əhəmiyyətli orqanlara daha qan
getmiş olur.
Adrenalin molekulları ehtiyac duyulmayan
orqanlara gedən damarları da daraldırlar. Bunun
nəticəsində həmin orqanlara daha az qan gedir.
Adrenalin molekullarının təsiri ürəyə, beyinə və
əzələlərə gedən damarları genişləndirdiyi halda
qaraciyərə və dəriyə gedən damarları daraldır.
Beləliklə, orqanizmin ehtiyac duyduğu təcili
dəstək təmin edilir. Adrenalin molekulları heç
vaxt yanlış olaraq ürəyə və beyinə gedən
damarları daral-dıb qaraciyərə və dəriyə gedən
damarları genişləndirmir. Adrenalin molekulu nə
edəcəyini çox yaxşı bilir. Damar hüceyrələri də
adrenalinə lazımi şəkildə tabe olurlar.
Orqanizmimizdə olan yüzlərlə damarın diametri və
hara, nə qədər qan ötürməsi məsələsi gözlə
görünməyən bir hormonun ağlı tərəfindən
müəyyənləşdirilir.
Dəriyə vurulan qanın az olmasının başqa bir
hikməti də var. Bu zaman dəridə hər hansı bir
zədələnmə olanda qan itirilməsinin qarşısı
alınmış olur. Hədsiz həyəcan yarandığı zaman
dəridə müşahidə edilən solğunlaşmanın səbəbi də
həmin anda dəriyə az qan vurulmasıdır.
Adrenalin molekulları hər bir orqan üçün ayrı
məna daşıyır.
Damara getdiyi zaman damarı genişləndirən
adrenalin molekulu ürəyə gedəndə də ürək
əzələlərinin yığılmasını sürətləndirir.
Beləliklə, ürək daha sürətlə döyünür və
əzələlərə təcili qüvvə üçün ehtiyac duyulan qan
verilir.
Adrenalin molekulu əzələ hüceyrələrinə çatanda
əzələlərin daha sürətli şəkildə yığılmasına
səbəb olur.
Qaraciyərə çatan adrenalin molekulları buradakı
hüceyrələrə qana daha çox şəkər qarışdırmağı əmr
edir. Beləliklə, qanın tərkibindəki şəkərin
miqdarı artır və əzələlərin ehtiyacı olan təcili
maddə verilir.
Bütün bu xüsusi tədqiqatlar nəticəsində
metabolizma 100 faiz nisbətində qüvvə artımını
təmin edir. Adrenalinin orqanizmdə etdiyi
dəyişikliklər sayəsində insan daha sürətlə
düşünür və qərar qəbul edir, daha böyük qüvvə
ilə mübarizə aparır, daha sürətlə qaçır və daha
dözümlü olur.
Adrenalin molekulları təhlükəli hallarda hər bir
insanın orqanizmində hansı dəyişikliklərə
ehtiyacın olduğunu yaxşı bilirlər. Bundan əlavə,
bu molekullar bütün orqanizmi vahid şəkildə
təhlükəyə hazırlayırlar.
Adrenalin hormonu çatdırılan hər bir toxuma və
orqan vahid bir məqsəddən ötrü fəaliyyət
göstərməyə başlayır. Heç bir orqan vahid
məqsəddən kənar və ya əksinə hərəkət etmir.
Qeyri-adi və təcili hallarda insan orqanizminin
göstərməli olduğu müqavimət və görüləcək
tədbirlər də insan orqanizminə insanın şüur və
nəzarətindən kənar şəkildə yerləşdirilib.
Adrenalin hormonu və onun orqanizmə göstərdiyi
təsir də bu sistemlərin bir-birinə uyğun və
xüsusi şəkildə yaradıldığını bir daha sübut edir.