Kiçik rəhbərin başqa vəzifələri
Hipofiz vəzi orqanizmimizdəki karbohidrat və yağ
metabolizmasını da tənzimləyir. Lazım olduğu
zaman hüceyrələrinizdə hazırlanan proteinin
sintezini artırır. Qan təzyiqi aşağı düşəndə
hipofizin ifraz etdiyi molekullar damarların
ətrafındakı əzələlərin yığılmasını təmin edir.
Milyonlarla əzələnin yığılması və damarların
kiçilməsi qan təzyiqini artırır.
Bu kiçik rəhbər özündən çox uzaqda olan
böyrəklərin də fəaliyyətini tənzimləyir.
Orqanizminizin suya ehtiyac duyduğu halları da
bilən hipofiz vəzi belə hallar üçün xüsusi
hormon (vazopressin) hazırlayır.
Ana südü yeni doğulmuş bir körpə üçün həyati
əhəmiyyətə malikdir. Hipofiz vəzi körpənin bu
ehtiyacını da bilir. Doğuşa az bir müddət qalmış
hipofiz vəzinin göndərdiyi əmrə əsasən (prolaktin
hormonu) ananın süd vəzilərini hərəkətə gətirir
və süd ifraz olunmağa başlayır. Yenə də doğuş
yaxınlaşdığı zaman hipofiz vəzinin verdiyi başqa
bir əmrə əsasən (oksitosin hormonu) uşaqlıq
əzələsi hərəkətə gəlir və bu da doğuşa kömək
edir.
Dərinin Günəş altında tunc rəngə çalması əslində
insanı Günəşin zərərli təsirlərindən qorumaq
üçün hüceyrələrin gördüyü tədbirdir. Hüceyrələrə
bu müdafiə əmrini verən (MSH hormonunu göndərən)
də yenə hipofiz vəzidir.
Beyində hipofiz vəzinin olduğu yerdə
bir-birindən fərqli kimyəvi quruluşlara malik
olan 20-dən artıq hormon müəyyən edilib. Bu
hormonların əksəriyyəti başqa hormonların ifraz
olunmasını təmin edən xəbərdaredici xüsusiyyətli
hormonlardır. Hormonal sistemdəki bu qüsursuz
ahəng necə əmələ gəlib? Hormonlar arasındakı
əlaqə necə qurulub? Bir hormon o birisinin
xəbərini necə anlayır və buna düzgün reaksiya
göstərir?
Bir-birindən çox fərqli kimyəvi quruluşlara
malik olan, lakin eyni zamanda da ideal ahəng
içində fəaliyyət göstərən bu 20 hormonun
mövcudluğunu təkamül mexanizmi ilə izah etmək
mümkün deyil. Bu hormonların xüsusiyyətləri
insan orqanizminə təsadüflər nəticəsində
yerləşdirilə bilməz. Hər hansı bir təsadüfi
müddətin hormonları təşkil edən maddələr
yaratması, hormonların məlumatlarını müəyyən
etməsi, bu məlumatların hara gedəcəklərini
bilməsini təmin edən bir sistemi hormonlara
yerləşdirməsi ağlasığmazdır.
Hipofiz vəzi hormonların cəm şəkildə ifraz
olunduğu yerlərdən yalnız biridir. Bundan başqa
böyrəküstü vəzi, mədəaltı vəzi, cinsi vəzilər,
tiroid vəziləri kimi nahiyələrdə həyatın davam
etməsi üçün olduqca böyük əhəmiyyət daşıyan
hormonlar ifraz olunur. Bu nahiyələrdən hər
hansı biri zədələndiyi və ya qüsurlu şəkildə
fəaliyyət göstərdiyi halda həyatın davamı
təhlükə altına düşür. Hormonal sistemin əmələ
gətirdiyi bu ahəng yaradılışı açıq şəkildə sübut
edir.
Hormonal sistemi bütün incəlikləri ilə birlikdə
yaradan qüvvə isə hər şeydən xəbərdar olan Uca
və Qadir Allahdır.
Hormonal sistemin idarəçisi
Hipofiz vəzi yalnız öz funksiyalarını yerinə
yetirməklə kifayətlənmir. Həmçinin fövqəladə bir
məsuliyyət hissi ilə başqa hormonal vəzilərin də
işini tənzimləyir və onlara nəzarət edir.
Bu isə olduqca mühüm bir məqamdır. Çünki bu
məqam noxud boyda bir ət parçasının ağlasığmaz
şüurla hərəkət etdiyini göstərir. Hipofiz vəzi
orta beyində, tiroid vəzi qırtlağın altında,
cinsiyyət vəziləri qadınlarda yumurtalıqda,
kişilərdə spermalarda, böyrəküstü vəzi də
böyrəklərin üstündə yerləşir. Hipofiz vəzi
tiroid vəzinin inkişafını və fəaliyyətini
tənzimləmək üçün TSH hormonu, cinsiyyət
vəzilərinin fəaliyyətini tənzimləmək üçün FSH və
LH hormonu, böyrəküstü vəzilərin fəaliyyə-tini
tənzimləmək çün ACTH hormonu, süd vəzilərinin
inkişafı və ifraz olunması üçün LTH hormonu
ifraz edir.
Hipofiz vəzinin bu orqanlardan yalnız birinə
təsirini nəzərdən keçirək. Hipofizin lazım
olduğu zaman böyrəküstü vəziləri hərəkətə
gətirmək üçün ACTH hormonunu ifraz etdiyini qeyd
etdik. Hipofizdən yola çıxan ACTH hormonu qana
qarışır və qan vasitəsilə böyrəküstü vəzilərə
çatır. Məlumatı oxuyan böyrəküstü vəzilər dərhal
lazım olan hormonu hazırlayaraq orqanizmdə bir
qrup kimyəvi prosesləri hərəkətə gətirir.
Hipofiz vəzinin bütün bunları yerinə yetirə
bilməsi üçün nələri "bilməli" olduğunu düşünək.
Hipofiz vəzi:
"Böyrəküstü vəzinin funksiyasını";
"Bu funksiyanı necə yerinə yetirdiyini";
"Böyrəküstü vəzinin hərəkətə gəlməsi üçün lazım
olan işarəni" bilməlidir.
Nəzərə alınmalı başqa bir məqam da molekulların
qət etdikləri məsafədir. Hormon molekullarının
gözlə görünməyəcək qədər kiçik olduğunu nəzərə
alsaq, bu molekulların beyindən böyrəyədək
uzanan səfərinin insana nəzərən min
kilometrlərlə ifadə edilə biləcək bir səfər
olduğunu qəbul etmək lazımdır.
Bu təqdirdə ortaya cavablandırılması lazım gələn
bir çox suallar çıxır. Bir hipofiz vəzi özündən
min kilometrlərlə uzaqda olan başqa bir hormonal
vəzinin məsuliyyətini necə bilir, böyrəküstü
vəziləri hərəkətə gətirən düzgün kimyəvi və
fiziki formulları tam şəkildə necə hazırlayır?
Nə üçün hi-pofiz vəzi böyrəküstü vəzinin
fəaliyyətini tənzimləmək kimi məsuliyyət daşıyır?
Kimyəvi maddələrə informasiya mübadiləsi
qabiliyyəti verən bu ağıl necə ortaya çıxıb?
Görməyən, eşitməyən, düşünməyən, yalnız
molekullardan əmələ gələn maddələr belə bir
şüura necə malik olublar?
İnsan şüur sahibi olan, həmin şüurundan düzgün
istifadə edə biləcək, onu inkişaf etdirə biləcək,
yeni üsullar tapa biləcək bir varlıqdır. Başqa
canlılara nisbətən malik olduğu bütün
xüsusiyyətlərə, zəka, öyrənmə qabiliyyətinə,
tədqiq etmək, nəticə çıxarmaq kimi
qabiliyyətlərə baxmayaraq (əgər bu sahədə xüsusi
bir təhsil almayıbsa) onun öz orqanizmindəki
hormonların haradan gəldiyini bilməsi, bunları
hazırlaması mümkün deyil. İnsanın hormonların
fəaliyyətinə müdaxilə etməsi, onların ifraz
olunduğu nahiyələri dəyişdirməsi, yenilərini
əlavə etməsi də qeyri-mümkündür.
Hormon ifraz edən vəzilər isə ayrı-ayrı hüceyrə
fərdlərindən ibarət kütlədir. Bu hüceyrələr
cansız və şüursuz atomların birləşməsindən
təşkil olunur. Həmin şüursuz atomlar kütləsi
insanın bacarmadığı işləri necə bacarır?
Bir-biri ilə qarşılaşmaları mümkün olmayan
orqanlar orqanizmin qaranlıqlarında belə bir
ağıl və şüuru necə nümayiş etdirirlər?
Bu halda ortaya çox açıq bir həqiqət çıxır.
Hormonlar və onları ifraz edən vəzilər çox üstün
bir qüvvə tərəfindən bu xüsusiyyətlərə malik
olaraq yaradılıb və insan orqanizminə xüsusi
şəkildə yerləşdiriliblər. Onların mövcudluğunun
davam etdirilməsi üçün xüsusi bir sistem qurulub,
həmin sistem istisnasız olaraq bütün insanlarda
mövcud olacaq şəkildə yaradılıb və bu məlumatlar
DNT-lərdə kodlaşdırılıb.
Bütün bu proseslər misilsiz ağıl tələb edir. Bu
üstün ağıl isə bütün kainatı yaradan Uca Allaha
məxsusdur. Allah bütün aləmlərin Rəbbidir və
Onun heç bir şəriki yoxdur: